Uwahoze ari myugariro w’ikipe ya Real Madrid yitabye Imana
Uwahoze ari myugariro w’ikipe ya Real Madrid Goyo Benito, yitabye Imana ku myaka 73 nyuma y’igihe kinini yaramaze arwaye.
Benito yakiniye Real Madrid y’abakuru imikino 420, hagati y’umwaka w’1969 ndetse ni 1982, ahesha iyi kipe ibikombe bitandatu (6) bya shamiyona ya Esipanye (La Liga), ndetse n’ibikombe bitanu bya Copa del Rey.
Real Madrid yafashije Benito mu guhangana n’uburwayi bwe, yari amaranye imyaka irenga 10. Nkuko ubuyobozi bw’iyi kipe bwabitangaje bavuga ko ari umwe mu banyabigwi bakomeye b’iyi kipe.
yakinnye imikino 22 akinira ikipe y’igihugu ya Esipanye.
Abinyujije ku rukuta rwe rwa Twitter Iker Casillas yagize ati, “Dukomeje kwakira amakuru mabi, haba ku gihugu cyacu ndetse no ku isi hose”.
Ubwo yavugaga ku cyorezo cya coronavirus”. Yongeyeho ati, “uyumunsi twabuze umuntu ukomeye akaba yari ari mu mitima y’abafana ba Madrid”.
DUKUNDANE Ildephonse/Igicumbi News
